قصيدة : أحبكـ كثر مآقد صآآآر|ّ~

احبك كثر ما قد صار احبك رغم ما قد ما صار
احبك كثر ما دنيا الزعل والصد مهجورة

احبك كثر ما تمطر بصدري من غلاك أمطار
احبك كثر ما صارت أراضي العشق ممطورة

احبك كثر ما تفتح شبابيك الربيع أزهار
احبك كثر ما غنت عشان الصبح عصفوره

احبك كثر ما تاقف على جنب الطريق أشجار
احبك كثر ما يقسى الشتاء وتهاجر طيوره

واحبك كثر ما في الأرض بنت تلفت الأنظار
واحبك كثر ما يرتاح عطر بصدر مغرورة

احبك كثر ما جاب المساء في معطفه زوار
احبك كثر ماجانا صباحن يشبهك نوره

واحبك كثر ما تهدي كفوف الوصل من تذكار
واحبك كثر ما شالت يدين العاشق زهوره

احبك كثر ما نقراء عن الفارس عن المغوار
احبك كثر ما نسمع ولا شفنا ولا أسطوره

احبك كثر ما تلعب بدنيا العاشقين أقدار
احبك كثر ما .. ذا الحظ دايم يلعن قصوره

احبك كثر ماعاثت رياح بحسبة البحار
واحبك كثر ما البحار يعشق نسمة بحوره

احبك كثر ما يحلف اللي منشغل بأعذار
احبك كثر ما في الناس ناس بجد معذورة

احبك كثر ما ملت قصايدنا من التكرار
احبك كثر ما الشاعر تمنى حب جمهوره

احبك كثر ما شفنا على وجه الزمن آثار
احبك كثر ما فالارض فقر وناس ميسوره

احبك كثر ما دارت بذهن الحالمين أفكار
احبك كثر ما في الخير ناس بالخير مذكورة

احبك كثر ما نرمى حكايات الحطب للنار
احبك كثر ما قلنا عن الاحوال مستوره

احبك كثر مانجهل متى توقف بنا الاعمار
اجبك كثر مانسمع حكايه حب مشهوره

احبك كثر ما ضاق السجين بلعنة الأسوار
احبك كثر ما هاج البحر واجتاحته ثوره

احبك كثر ما ننسى واحبك كثر ما نحتار
احبك كثر ما يسهر محب وفي يده صوره

احبك كثر ما تقطع شفاتك في العسل مشوار
احبك كثر ما خدك يخلي الشمس مبهورة

احبك كثر ما روج عليك الحسن من أخبار
احبك كثر ما صدرك يدوخ الورد بعطوره

احبك كثر ما في عينك من السحر والأغوار
احبك كثر ما فيك الغلا ما وفت اقصوره

واحبك والزمن ساكن واحبك لو زماني دار
احبك يا مدينة حب وسط الصدر معمورة

احبك والتفت شاعر لعينك وامطرت أشعار
حلف ما يمسى الليلة قبل ما يكتب شعوره

ورتبتك بصدري وأنت تستاهل وراعي دار
تفضل قلب أوراق الغلا ويديك مشكورة

تفضل وأنت لو مثلك ذكرته هلت الأنوار
وقمت أجمع من أشواقي قصايد عشق منثورة

تلذذ بالجمال وقلت ابهديك القصيد أجرار
غلاك وصدق حبك ما ترك لي نفس مكسورة

أنا عاشق جمال وما خفالي في الجمال أسرار
أنا لا من كتبت أعطيك وأعطي العشق بقدوره

كتبتك في القصيد أبيات من حسنك عليك تغار
حروف العشق طفلة في ثياب العيد مسرورة

لقيتك و الدلع والثقل شله والحسن ثرثار
ويقول أشياء كثيرة للعيون ويثبت حضوره

كفاية لو تطل ويفرح بطلتك دار الجار
كفاية لو تشوف الناس في نظرتك مأسورة

غرامك يغري حروف سقاها الصدق منك أمطار
كتاباتي تشهد للغلاك وتحفظ عطوره

احبك ثم احبك ثم احبك ثم احبك

رغم ماقد صار
احبك حيل مهما صاار
احبك دام انا طيب
واراضي العشق ممطوره

احبك ثم احبك ثم احبك ثم احبك

احبك رغم ما قد صار ..
احبك حيل مهما صار
احبك دام أنا طيب ..
و أراضي العشق ممطورة

» قصيدة: بعض البشر حبه يوردكـ الجنون ..|~